Snickers heilsukaka

Hér er uppskrift að dásamlegri Snickers heilsuköku sem er æðislegur desert.

Botn:
200 g döðlur

100 g möndlur

100 g kókosmjöl

1/2 tsk. vanilluduft eða dropar

Leggja þarf döðlurnar í bleyti í 10 mínútur og setja allt saman í matvinnsluvél. Síðan sett í kökuform og þrýst vel niður í formið. Mjög gott að setja bökunarpappír í formið áður.

Sett í frysti í 10 – 15 mínútur.

Eftir þetta er gróft hnetusmjör sett vel yfir. Formið er aftur sett í frysti í 10 – 15 mínútur.

Súkkulaðibráð:

1 dl kókosolía

1 dl hreint kakó

1/2 dl agave sýróp

Súkklaðibráðinni hellt yfir og kakan geymd í frysti.

Eintóm hollusta og algjört lostæti en rosalega gott að hafa smá óhollustu með eins og þeyttan rjóma.